Орусия Украинанын армиясына Ка-52 тик учагы менен сокку урган видеосун жарыялады

Орусиянын Коргоо министрлиги бүгүн, 3-апрелде орусиялык Ка-52 чабуулчу тик учактарынын иштешин көрсөткөн кадрларды жарыялады. Кадрлар Телеграм каналга жарыяланды.

Орусиянын Коргоо министрлиги түшүндүргөндөй, видеодо Орусиянын Аэрокосмикалык күчтөрүнүн Ка-52 тик учактары Украинанын Куралдуу күчтөрүнүн позицияларын жок кылууда. Тик учактын экипаждары башкарылуучу жана башкарылбаган ракеталарды төмөн бийиктиктен учуруп жатышат.

Соккулардын натыйжасында, украин армиясынын токойдо жамынган бронетехникалары жок кылынган.