Жалал-Абадда “Жаштар кылмыштуулукка каршы” деген аталыштагы акция болуп өттү (фоторепортаж)

Жалал-Абад облусунда өткөн “Жаштар кылмыштуулукка каршы” деген аталыштагы акциядан көрүнүш

Жалал-Абад облустук ички иштер башкармалыгынын жетекчилиги тарабынан 23-ноябрда «Мекеним менин — Кыргызстан!» аттуу чоң профилактикалык иш-чаралардын негизинде «Жаштар кылмыштуулукка каршы» деген аталышта акция уюштурулду. Бул тууралуу 26-ноябрда Жалал-Абад ОИИБинин басма сөз кызматы билдирди.

Маалыматка караганда, Жалал-Абад мамлекеттик университетинин 700гө жакын студенти Сузак районунун Кызыл-Сеңир айылынан 10 чакырым алыстыктагы адырдагы ок атуучу полигонго чейин саптык салтанаттуу жүрүш жасап, чуркап өтүштү. Жүрүш шаңдуу ырлар менен коштолду.

Бул иш-чарага жогорку окуу жайлардын мугалимдери жана массалык маалымат каражаттарынын өкүлдөрү да катышты.

Биринчилерден болуп чуркап келгендерге жана окту мыкты аткандарга 5 номинация боюнча дипломдор, акчалай сыйлыктар жана баалуу белектер Жалал-Абад ОИИБи тарабынан тапшырылды.