Ош шаарынын спортчусу Орусияда самбо боюнча дүйнөлүк чемпионатта коло медалдын ээси болду

Бүгүн, 26-ноябрда Ош шаарына Орусиянын Санкт-Петербург шаарында болуп өткөн спорттун самбо түрү боюнча дүйнөлүк чемпионатка катышып келген спортчулар кайтып келишти. Аталган спорттук иш-чара 22-ноябрдан 25-ноябрга чейин болуп, ага дүйнөнүн 75 өлкөсүнөн барган спортчулар катышкан. Ош шаарынын атынан 3 спортчу катышып, жыйынтыгында Адил уулу Курманбек 82 килограммдык категорияда таймашып, коло медалдын ээси болду. Бул тууралуу Ош шаардык Дене тарбия жана спорт комитетинин адиси Фарух Сыдыков билдирди.