Эмил Каптагаев 27-ноябрда саруулуктар менен жолугушат

Ысык-Көл облусунун башчысы Эмил Каптагаев эртең, 27-ноябрда Саруу айылынын тургундары менен жолугушат. Муну SUPER.KG порталына Жети-Өгүз районунун акими Дамир Моңолдоров билдирди. Айта кетсек, бүгүн Жети-Өгүз районунун борборуна митингге чыккан саруулуктар облус башчынын келишин талап кылышты. Бирок Каптагаев бүгүн шарты жок экенин, нааразы тарап менен эртең жолугуша турганын айтты. Бишкек-Каракол жолун тособуз деген митингчилерге РИИБ кызматкерлери түшүндүрүү иштерин жүргүзүп жатат.