"Теңирим кошкон теңим бар" деп обон созгон ырчы, төкмө акын Максат Кулуев 39 жашка толду

Алымкул Үсөнбаев атындагы "Эл шайырлары" тобунун жетекчиси, обончу, ырчы, төкмө акын Максат Кулуев бүгүн 39 жашка толду.

Максат Кулуев 1983-жылы 8-апрелде Бишкек шаарында төрөлгөн. 5-класска чейин Таласта, чоң ата-чоң энесиникинде жүрүп окуп, кийин Жумгалга таята-таенесинин колуна барган.

9-класста окуп жүргөндө Мидин Алыбаевдин 2 ырына обон жазып, кийин өзү да ыр жаза баштаган. Мектепти аяктагандан кийин Бүбүсара Бейшеналиева атындагы искусство университетин жана Калый Молдобасанов атындагы Кыргыз улуттук консерваториясын бүтүргөн.

Репертуарындагы ырлары - "Сулайман тоо сулуусу", "Теңим бар", "Жөнө балам", "Ай, энем", "Сезимдешим", "Кара кыргыз" жана башкалар.

Өмүрлүк жубайы Айнура Чолпонкулова экөө 1 уул, 1 кызды тарбиялап келишет. Ырчы учурда Кыргыз улуттук "Манас" театрынында эмгектенет. Маданияттын мыкты кызматкери.

8-апрелдин жылнаамасы.