Жасалма диплом колдонууга шектелген Фарходбек Алимжанов билдирүү жасап, сүрөттөрүн жарыялады

Жасалма диплом колдонууга шектелген Фарходбек Алимжанов билдирүү жасап, сүрөттөрүн жарыялады. Бул тууралуу ал социалдык тармактагы баракчасына жазып чыкты.

"ОшМУнун экономика факультетин аяктап, 2016-жылы бакалавр даражасын алгам. Дипломумду коргоо учурунда менин диссертациямдын темасынын айланасында окутуучулар менен абдан талкуу болгон, ОшМУнун окутуучулары менин диплом коргоомду азыркыга чейин эстеп жүрүшөт.

2018-жылы Кыргыз Республикасынын Президентине караштуу Мамлекеттик башкаруу академиясынын "Мамлекеттик жана муниципалдык башкаруу" багыты боюнча магистратураны аяктагам", - деп жазды ал.

УКМК Жогорку Кеңештин эки депутатынын диплому боюнча БШКга маалымат берди. Алар "Ата-Журт Кыргызстан" фракциясынан депутат Фархат Исмаилов жана "Альянс" фракциясынан депутат Фарходбек Алимжанов.