Тоо арасына сумка менен ташталган ымыркайдын иши боюнча Баткен милициясы маалымат берди

Баткен облусунун Кадамжай районундагы тоо арасына сумкага салып таштап кетишкен ымыркай боюнча Баткен милициясы тыкыр иликтөө иши жүргүзүлүп жатканын кабарлады.

“Учурда бул иш боюнча иликтөө иштери уланууда. Укук коргоо органдары тиешелүү бардык иштерди жүргүзүп жатат. Бүгүнкү күнгө карата баланын энеси аныктала элек”, - деп айтылат билдирүүдө.

Эскерте кетсек, 17-мартта Кадамжай районундагы тоодон койчу сумканын ичинен ымыркайдын жансыз денесин таап алган.