"Бул эмне деген реформа?". Депутат 12 жылдык билим берүү системасын киргизүү боюнча маалымат угуу керектигин айтты

Депутат Динара Ашимова 12 жылдык билим берүү системасын киргизүү боюнча маалымат угуу керектигин айтты. Бул тууралуу ал бүгүн, 13-апрелде Жогорку Кеңештин жыйынында билдирди.

"Билим берүү жана илим министрлигинин 12 жылдык окуу демилгеси боюнча кайрылуулар түшүп жатат. Протоколдук тапшырма берели. Бул эмне деген реформа? Алар кантип 12 жыл окутайын деп жатышат?", - деди депутат.

Жогорку Кеңештин төрагасы Талант Мамытов тийиштүү комитетте бул маселени талкуулап, карап чыгып палатага алып чыгуу керектигин белгиледи.