Криштиану Роналду бир уулу чарчап калганын жарыялады

"Манчестер Юнайтед" футболдук клубунун жана Португалия курамасынын чабуулчусу Криштиану Роналдунун жаңы төрөлгөн уулу чарчап калды. Бул тууралуу футболчу социалдык тармактагы баракчасына жазды.

"Ымыркайыбыздын чарчап калганын терең кайгыруу менен билдиребиз. Бул ар бир ата-эне башынан өткөрө турган эң чоң азап. Балабыздын төрөлүшү гана бизге ушул учурду кандайдыр бир үмүт жана бакыт менен өткөрүүгө күч берет. Бардык эксперттик камкордуктары жана колдоосу үчүн дарыгерлерге, медайымдарга ыраазычылык билдирем. Бул жоготуу баарыбызды капа кылды. Биздин балабыз, сен биздин периштебизсиң. Биз сени ар дайым жакшы көрөбүз", - деп жазды Роналду.

2021-жылдын октябрь айында Криштиану Роналду анын сүйүктүүсү кош бойлуу экендигин, алар эгиздерди күтүп жатканын жарыялаган.