Чүйдө КамАЗдын айдоочусу рулга ээ боло албай, эки адам жабыркады

Чүй облусуна караштуу Новопавловка айылында КамАЗдын айдоочусу рулга ээ боло албай кырсыкка кабылды. Анын кесепетинен эки адам жабыркады дешет Өзгөчө кырдаалдар министрлигинен.

Маалыматка караганда, КамАЗдын айдоочусу рулду башкара албай жолдун жээгинде токтоп турган чиркегичти (прицеп) сүзгөн. Кырсыктын кесепетинен 1997-жылы туулган Н. уулу Э. жана 1969-жылы туулган А.Н. жабыркады. Жерине 8 куткаруучу тартылып, жабыркагандарды унаадан чыгарып, "Тез жардам" кызматына өткөрүп беришти.