Ош. Шаарда Навои-Тилеке баатыр көчөлөрүнүн кесилишинен Манастын эстелигине чейин жол салынат

Бүгүн, 27-ноябрда Ош шаарынын мэринин убактылуу милдетин аткаруучу Мелис Мырзакматов Тилеке баатыр көчөсүнүн узартылуусу менен таанышып чыкты. Мындан сырткары вице-мэрлер жана мекемелердин жетекчилери менен Кара-Суу көчөсүн улантуу тууралуу сүйлөшүүлөр жүргүзүлдү. Шаар башчы 29 объектилерди жарым-жартылай же толугу менен бузуу иштерин тездетүүсүнө тапшырма берди. Бардык жашоочуларга тарткан зыяндын ордун толуктоого каражат төлөнүп, Ош шаарынын аймагынан жер тилкелери бөлүнүп берилмей болду. Бузулган үйлөрдүн ордуна Кара-Суу көчөсү курулуп, Манастын эстелигине чейин улантылмакчы. Ошондой эле калаа башчы базардагы соодагерлер менен сүйлөшүү жүргүзүп, жыйынтыгында сатуучулар борбордук көчөдө соода-сатык жүргүзбөөгө убадаларын беришти. Сүйлөшүү учурунда шаар башчы 1-орунда тазалыкка көңүл буруусун талап кылды. Мындан сырткары жалпы сатуучуларга кийинки жылы базардын Жапалак айылына көчүүсү тууралуу маалымдап, учурда 47 гектар жер даярдалып жаткандыгы айтылды.