Азия чемпиондугу: 3 кыргыз балбаны жарым финалга чыкты (тизме)

Кыргыз балбандары Исламбек Орозбеков менен Саякбай Усупов Улан-Батордо өтүп жаткан Азия чемпиондугунда алгачкы атаандаштарын жеңип, жарым финалга чыгышты.

74 килограмм салмакта күрөш жүргүзгөн Исламбек Орозбеков чейрек финалда түркмөнстандык балбан Атамурат Чарлиевди 9:0 эсебинде ишенимдүү түрдө жеңип алды. Эми ал жарым финалда казакстандык Нуркожа Кайпанов менен кез келет.

Ал эми 86 килограмм салмакта Саякбай Усупов чейрек финалда пакистандык Мухаммад Инамды 6:5 эсебинде утуп алды. Ал дагы жарым финалда казакстандык Азамат Даулетбеков менен күч сынашат.

Буга чейин 61 килограмм салмакта Улукбек Жолдошбеков да өзбекстандык балбанды жеңип жарым финалга чыккан.