"Өлкөгө миллиарддаган сом зыян келтирет". Тамыр жайган "паспорт мафиясы" иликтене баштайт

Санариптик өнүктүрүү министри Талантбек Иманов Калкты тейлөө борборундагы “паспорт мафиясы” тууралуу Фейсбук баракчасына билдирүү калтырды.

“Мен 2022-жылдын 15-январынан бери санариптик өнүктүрүү министри болуп иштеп жатам. Албетте, министрликте көп жылдар бою токтоп турган көйгөйлөр көп жана алардын көбү чечилип жатат. Бул кызматка келгенде биринчи жолу калкты каттоо бөлүмүндөгү паспорт мафиясы болду.

24 саат тынымсыз иштеген мафиянын абдан жакшы координацияланган иши бар. Менин айткандарым куру эмес, бул үчүн менде бардык фактылар, далилдер бар. Баары тиешелүү органдарга берилет. Ал эми бул паспорт мафиясы мамлекетке миллиарддаган сом зыян келтирет. Алар пара алып, ошону менен коррупциянын болушунча тынч гүлдөшүнө шарт түзүшөт. Бул аймак кайра карап чыгууга муктаж.

Жасалма паспорттордогу коррупциянын масштабы абдан чоң – жасалма паспорттор миңдеп саналат – бул улуттук коопсуздукка коркунуч. Менин бул билдирүүмдөн кийин бүтүндөй схемада жүргөндөр менин дарегиме түрдүү пикирлерди айтышарын түшүнөм. Бирок мен ага даярмын жана аягына чейин күрөшөм. Реформа болушу үчүн биз жоопкерчиликти алып, аракет кылышыбыз керек", - деп билдирген Иманов.