Бразилияга сурдлимпиадалык жайкы оюндарына катыша турган кыргыз спортчулары жөнөп кетти

Дене тарбия жана спорт департаментинин директору Канат Шабданбаев сурдлимпиадалык спотчуларды Бразилияга узатты. Бул тууралуу департаменттен кабарлашты.

Маалыматка ылайык, 1-15-май күндөрү Бразилиянын Кашиас-ду-Сул шаарында өтүлүүчү ХХIV сурдлимпиадалык жайкы оюндарына жөнөп жаткан кыргыз спортчулары менен департаменттин директору Канат Шабданбаев жолугуп, аларга ийгилик каалоо менен кыргыз желегин тапшырды.

“Урматтуу биздин спортчулар, аман-эсен барып келиңиздер. Буюрса, ар бириңиздерден жеңиш күтөбүз. Кыргызды дүйнөгө таанытып, гимнибизди ойнотуп, желегибизди желбиретесиздер деп ишенем. Мамлекет тараптан мындан ары да сиздерге көңүл бөлүнүп, жардам беребиз", - деди Шабданбаев.

Белгилей кетсек, ХХIV сурдлимпиадалык жайкы оюндарына Кыргызстандын атынан спорттун беш түрү боюнча 14 спортчу күч сынамакчы. Ал эми жалпы 20 адам барат.

Грек-рим - Жумакадыров Смадияр, Бибельдиев Дилмухамед, башкы машыктыруучу - Ушуров Фархад, ага машыктыруучу - Акопян Арам;

Эркин күрөш - Исаков Алмаз, Марков Миляс;

Дзюдо - Каналбек уулу Ильгиз, Орозали уулу Байсалбек, Мидин уулу Хажимукан, Шабдыбеков Бектурсун, Данияорва Айтурган, Кладнов Сергей;

Таэквондо ВТ - Мавлонов Азамат, Азиз уулу Атай , Жаналиева Гулжан, башкы машыктыруучу - Понамеров Дмитрий;

Жеңил атлетика - Эркин уулу Арген, башкы машыктыруучу - Намуратова жана дарыгер Бактыгүл Алышова.