29-ноябрда Улуттук китепканада Казы Дыйканбаевдин 100 жылдыгына арналган китеп-сүрөт көргөзмөсү ачылат

Эртең, 29-ноябрда Улуттук китепканада көрүнүктүү мамлекеттик ишмер Казы Дыйканбаевдин туулган күнүнүн 100 жылдыгына арналган “Өчпөс из калтырган инсан” аттуу китеп-сүрөт көргөзмөсү ачылат. 

Айта кетсек, белгилүү мамлекеттик ишмер Казы Дыйканбаев 1913-жылы 1-декабрда Түп районунун Талды-Суу айылында жарык дүйнөгө келген. Ал өмүр жолунда мамлекеттик жооптуу жетекчилик кызматтарды аркалап, эл-жерине ак кызмат өтөгөн. Ал 2010-жылы 96 жашында каза тапкан.

Көргөзмөдө К.Дыйканбаев басып өткөн жолу боюнча материалдар, фотодокументтер, ал жөнүндөгү макалалар коюлмакчы.