"Атын жамынып насыя алган". Токмокто алдамчылыкка шектүү жаран аныкталды

Токмокто абакта жазасын өтөп жаткан жаран алдамчылыкка шектелип кармалды. Бул тууралуу Чүй ОИИББинен билдиришти.

Маалыматка ылайык, милицияга 1984-жылы туулган Б.К. аттуу жаран кимдир бирөө анын атынан 10 миң сом өлчөмүндөгү насыя алгандыгын билдирген.

"Жүргүзүлгөн ыкчам-издөө иш-чараларынын жүрүшүндө алдамчылыкка шектелген жарандын аты-жөнү такталып, абакта жазасын өтөп жаткан 1999-жылы туулган Б.У. аныкталды. Шектүү тергөө кызматына өткөрүп берилди.

Учурда сотко чейинки өндүрүш иштери улантылууда", - деп айтылат маалыматта.