Ташполот Балтабаев:“Латвияда 50 адам каза тапкан кырсыкка өзүн күнөөлүү сезип өкмөт башчысы кызматтан кете турганын айтты, а биздин өкмөт башчыбыз...”

Депутат Ташполот Балтабаев бүгүн, 28-ноябрдагы ЖКнын жыйынында Латвиянын премьер-министри менен Кыргызстандын өкмөт башчысынын саясий маданиятын салыштырды.  

“Жакында Ригада 50 адамдын өмүрүн алган кырсык боюнча таптакыр тиешеси жок болсо да өлкөнүн премьер-министри өзүн күнөөлүү сезип, кызматтан кетүү боюнча арыз жазды. А биздин премьер-министр жол кырсыктарынан миңдеген адамдар көз жумуп жатса деле кебелбейт. 9 айда Кыргызстанда 1000дей адам автокырсыктан каза тааптыр. Өкмөт бул маселе боюнча бир да жыйын өткөргөн жок. 8 миңдей жаран окубай туруп айдоочулук күбөлүк алыптыр. Буга чара көрбөсө болбой калды”,- деди Балтабаев.   

Депутат Кыргызстан калкынын саны боюнча алганда автокырсыктардын саны боюнча дүйнөдө алдынкы орунга чыкканын кошумчалады.