Чүйдө BMW 23 жаштагы кызды учура сүздү. Кырсык видеого тартылып калган

Москва районунда кызды сүзүп кеткен айдоочу окуя болгон жерден качып кеткен. Бул тууралуу Чүй облусу боюнча Жол кыймылынын коопсуздугун камсыздоо башкармалыгынан билдиришти.

Билдирүүгө ылайык, кырсык кечээ, 29-апрелде саат 21:00 чамасында Москва районунун Петровка айылында болгон. Анда BMW-5 үлгүсүндөгү унаанын айдоочусу жөө адамдар өтүүчү жерден өтүп бара жаткан 23 жаштагы Д.Г. аттуу кызды учура сүзүп, андан ары качып кеткен.

Кыз оор абалда ооруканага жеткирилген. Кийинчерээк айдоочу Бишкек шаарынан кармалган. Ал 2002-жылы туулган З.Ж аттуу жаран болгон.