Футзал: Садыр Жапаров 4 гол киргизип... "Президенттин администрациясы" мелдештин финалына чыкты

Садыр Жапаров баштаган "Президенттин администрациясы" футзал боюнча мелдештин жарым финалында "Алга" командасын жеңип алды.

Тараптардын беттеши 4:0 эсебинде жыйынтыкталып, жеңиш алып келген 4 голду тең Садыр Жапаров өзү киргизди.

Муну менен "Президенттин администрациясы" биринчи болуп финалдык баскычка чыкты.

Ал эми өлкө башчысы Садыр Жапаров тайпалык баскычтан берки 4 беттеште жалпы 10 гол киргизип, бомбардирлердин тизмесинде 1-орунда келе жатат.