Баткен. Кайра иштетүүчү ишканалар продукцияларын көргөзмөгө коюшту

Баткен шаарынын облустук администрациясында көргөзмө болуп өттү. Көргөзмөгө облустун шаар, райондорунан кайра иштетүү тармагында иштеп жаткан ишканалар өздөрүнүн продукцияларын алып келишти. Иш-чарага Кыргызстандын гана эмес, Тажикстандын кайра иштетүүчү компаниялары да катышты. Ал жерде Баткенден чыккан өрүк, данек, күрүч, бал татымдары коюлду. Көргөзмө тегерек стол менен уланды. Бул иш-чара БУУнун "Өнүктүрүү" программасы тарабынан уюштурулду. Бул тууралуу аталган уюмдун Соода-сатык боюнча долбоорунун координатору Таалай Исаев билдирди.