Максим Бакиев боюнча кийинки соттук иш 2013-жылы 5-майда өтөт

7-декабрда Лондондун Вестминстер соту Максим Бакиевдин иши менен таанышып, кийинки соттук иш 2013-жылдын 5-майында өтмөй болду. Белгилей кетсек, Максим Бакиевге АКШ тарап "баалуу кагаздар менен мыйзамсыз операцияларды жасаган жана мыйзамдуулукту орнотууга тоскоол болгон" деген айып тагууда. Максим Бакиев ушул жылы 12-октябрда Лондондон кармалып, АКШнын талабы менен камакка алынган. Бирок ал 15-октябрда 19 миллион сом күрөөгө коюу менен абактан убактылуу бошотулган.