Кытайда асман кызыл түскө боёлду (фото)

Кытайдын Чжэцзян провинциясындагы Чжоушань шаарында асман кызыл түскө боёлду. Бул тууралуу чет элдик басылмалар жазышты.

Маалыматка ылайык, үрөй учурган кубулушту күбөлөр сүрөткө жана видеого тартып алышкан. Бул көрүнүш тез эле Кытайдагы социалдык тармактарда эң кызыктуу темалардын бирине айланды. Адегенде адамдар асмандын адаттан тыш түсүнүн себеби от болушу мүмкүн деп ойлошкон.

Жергиликтүү метеорологиялык кызматтын маалыматы боюнча, асмандын кызыл түскө ээ болушуна жарыктын сынышы себеп болгон.