Бишкекте жаранды бычак колдонуп тоноого шектүү үч жаран кармалды. Алардын бири кыз

Бишкекте жаранды бычак колдонуп тоноп кеткенге шектүүлөр кармалды. Бул тууралуу Бишкек шаардык ички иштер башкармалыгынын басма сөз кызматынан билдирди.

Билдирүүгө ылайык, 30-апрель күнү милицияга М.М. аттуу жаран кайрылган. Анда ал бир нече күн мурун анын унаасында бир топ жаштар аны бычак жана күч колдонуу менен коркутуп, 5 миң сомдук Редми уюлдук телефонун жана 15 миң сомдук Леново үлгүсүндөгү ноутбугун алып кетишкенин билдирген.

Бул факты боюнча Кылмыш-жаза кодексинин 207-беренеси ("каракчылык") боюнча кылмыш иши козголгон.

"Милиция кызматкерлери тарабынан кылмышка шектүү катары 2000-жылы туулган Ю.С., 1998-жылы туулган Б.Б., 1997-жылы туулган Б.А. аттуу жарандар кармалып, СИЗО-1ге киргизилди. Учурда кармалгандардын башка кылмыштарга катыштыгы бар экендигин аныктоо боюнча тергөө-ыкчам иш-чаралары жүрүп жатат", - деп билдиришти Бишкек ШИИББинен.