Беларусь министри ЖККУнун курамына дагы он чакты өлкө кирерин билдирди

Жамааттык коопсуздук келишим уюму (ЖККУ) кеңейет. Бул тууралуу Беларустун коргоо министри Виктор Хренин билдиргенин чет элдик басылмалар жазды.

"Менин оюмча, уюм кеңейет. Биз жакында дүйнө тартиби кандай өзгөрөрүн көрөбүз. ЖККУ өзүнүн күжүрмөн даярдыгын, тынчтыкты сүйгөндүгүн көрсөттү. Менимче, бир нече жылдан кийин уюмдун карамагында 6 өлкө болбой калат. Уюмга башка мамлекеттердин саясий системасындагы агрессивдүүлүктү жана өзгөрүүнү эмес, тынчтыкты жана туруктуулукту баалаган ондогон мамлекеттер кошулат", - деген Хренин.

Хрениндин айтымында, ушул жылдын аягына чейин ЖККУда радиациялык, химиялык жана биологиялык коргоону калыптандыруу пайда болот.

Учурда ЖККУга алты мамлекет: Армения, Беларусь, Казакстан, Кыргызстан, Орусия жана Тажикстан кирет.

Бүгүн, 16-майда ЖККУнун түзүлгөнүнө 20 жыл толду. Буга байланыштуу Кремлде уюмдун юбилейлик саммити өтөт.