Мектептердин биринде акыркы коңгуроодо чач жасалгалап, спирт ичимдиктерин колдонууга тыюу салынганы айтылды

Акыркы коңгуроо салтанатында кече көйнөктөрүн кийүүгө, чач жасалгалоого, курал-жарак жана спирт ичимдиктерин колдонууга тыюу салынат. Бул тууралуу мектеп директорлорунун биринин буйругу чыккан.

Ага ылайык, салтанаттуу иш-чарада пиротехникалык каражаттарды, ок атуучу куралдарды жана учтуу куралдарды, жардыргыч заттарды жана күйүүчү материалдарды колдонууга катуу тыюу салынат.

- Ата-энелерге окуучуларга жеке унаанын ачкычын берүүгө, аларды шаарды аралап, андан ары айдап чыгууга;

- Мектептин аймагында мугалимдерге, ата-энелерге, конокторго жана окуучуларга алкоголдук ичимдиктерди ичүүгө;

- Акыркы коңгуроодо кече көйнөктөрүн кийүүгө, кымбат баалуу зер буюмдарды тагынууга жана кымбат чач жасалгаларды жасатууга катуу тыюу салынат. Бардык бүтүрүүчүлөр иш-чарага мектеп формасы менен (үстү ак, асты кара) келиши керек.

Ошондой эле тарыхый жайларга экскурсияларды өткөрүүгө, жаратылышка чыгууга, кафе-ресторандарга барууга, үйүндө ар кандай кечелерди уюштурууга тыюу салынган.

Салтанаттуу иш-чара аяктагандан кийин бүтүрүүчүлөрдүн өмүрү жана ден соолугу үчүн жоопкерчилик ата-энелерге жүктөлөрү айтылат.