УКМКнын Коррупцияга каршы күрөшүү кызматы быйыл бюджетке 700 миллион сом киреше кошуптур

Улуттук коопсуздук мамлекеттик комитетинин Коррупцияга каршы күрөшүү кызматы 2013-жылы коррупциялык иштердин бетин ачуу менен бюджетке 700 миллион сом киреше алып келди. Муну бүгүн, 29-ноябрда “Республика” фракциясынын жыйынында каржы министринин орун басары Таалай Таткулов айтты. Депутат Кенжебек Бокоев бул акчанын бюджетке түшкөнүнөн шек санап, “мунун казынага толук түшкөнүн эч ким айтып бере албай жатат”,- деди эле Таткулов “бул акча ар кандай жол менен, балким салык түрүндө которулушу мүмкүн”,- деп депутатка так маалымат бере турганын айтты.