Санкт-Петербургда Кыргыз жараны өгөй кызын 6 жылдан бери зордуктап жүргөнгө шектелүүдө

Орусиянын Санкт-Петербург шаарында Кыргыз жараны өгөй кызын 6 жылдан бери зордуктап жүргөнгө шектелип кармалды. Бул тууралуу орус басылмалары жазышты.

Маалыматка ылайык, 28-май күнү укук коргоо органдарына 16 жаштагы кыздын зордукталганын билген колледждин мугалими кайрылган. Тегөөчүлөр кызды өгөй атасы 6 жылдан бери зордуктап жүргөндүгүн билишкен.

Акыркы зордуктоо 26-май күнү кечинде болуп, ал токмоктоо менен коштолгон. Кызына өгөй атасы эле эмес, кыздын апасы дагы кол көтөргөн. 28-май күнү эртең менен жабырлануучу ооруканага жеткирилген. Дарыгерлер анын баш мээси чайкалганын, башынын арткы тарабында жана курсагында көк ала тактар ​​бар экенин аныкташкан.

Учурда кармалган жаранга карата кылмыш ишин козгоо маселеси чечилүүдө.