"Апалар ыйлактап жатышат". Депутат сүттүн баасы Таласта эле арзан экенин айтты

Талас облусунда сүттүн баасы башка аймактарга салыштырмалуу арзан болууда. Фермерлер буга нааразы болуп жатканын депутат Марат Мураталиев жыйында айтып чыкты.

"Сүттүн баасы боюнча маселе буга чейин көтөрүлгөн. Жакында эле иш сапары менен Талас облусуна барып келдик. Ал жакта башка облустарга салыштырмалуу сүттүн баасы арзан, тагыраагы, 22 сомдон болууда. Ушул маселени карап, чечип берсеңиздер. Эл бааны жогорулатууну абдан суранып жатышат. Апалар ыйлактап жатышат. Чындыгында айылдагы элдин караганы эле сүт", - дейт ал.