Ош. Шаарда келе жаткан жумада жылытуу системдеринин иштөө абалы боюнча шаар башчысынын катышуусунда рейд жүрөт

Келе жаткан жумада Ош шаарынын мэринин убактылуу милдетин аткаруучу Мелис Мырзакматов жылуулук электр борборунун жана Ош шаарынын “Жылуулук камсыздоо” мамлекеттик мекемесинин кызматкерлери менен биргеликте рейдге чыгат. Рейддин жүрүшүндө жетекчилик шаардын Манас-Ата, Юго-Восток жана Кулатов кичи райондорундагы суу түтүктөрүнүн канчалык деңгээлде жылытылып жаткандыгын текшерүүгө алышат.  Бул тууралуу мэриянын басма сөз кызматы билдирет.