Курулуш каражаттарын алган. Аламүдүн районунда 30 жаштагы жаран алдамчылыкка шектелип кармалды

Чүй облусунун Аламүдүн районунда алдамчылыкка шектелген жаран кармалды. Бул тууралуу облустук милициядан билдиришти.

Маалыматка таянсак, милицияга Т.Т. аттуу жаран арыз менен кайрылган. Анда 8-апрелде чала тааныш адам алдоо жолу менен ишенимине кирип 24 комплект курулуш каражатын ижарага алып, качып жүргөн жаранга чара көрүү өтүнүчүн айткан.

Аталган факты Кылмыш-жаза кодексинин "Алдамчылык" негизинде кылмыштардын бирдиктүү реестрине катталган.

Шектүү катары 1992-жылы туулган С.А. жаран кармалып, убактылуу кармоочу жайына киргизилди. Милиция кызматкерлери кылмышка шектүү жарандын мындан башка дагы бир катар алдамчылыктарга тиешеси бар экендигин аныкташып, сотко чейинки териштирүүлөр уланууда.