"Азия Кубогу 2023": Тажикстандын башкы машыктыруучусу тайпадагы эң негизги атаандаш кайсы команда экенин айтты

Бишкекте өтө турган Азия Кубогуна тандоо оюндарынын алкагында Тажикстандын эң негизги атаандашы учурда Мьянма курама командасы. Бул тууралуу Тажикстан курама командасынын башкы машыктыруучусу Пётр Сегрт бүгүн, 7-июнда Бишкекте өткөн маалымат жыйында айтты.

"Биздин эң негизги атаандашыбыз бул алдыдагы командабыз. Азыркы учурда бул Мьянма. Мен алысты карабайм. Биз эртеңки оюндарга гана даярданабыз", - деди ал.

Белгилей кетсек, эртең, 8-июнда Бишкектеги Дөлөн Өмүрзаков атындагы стадиондо Тажикстан Мьянма курамасы менен ойносо, Кыргызстан Сингапур менен ойнойт.