Бильярдчы Каныбек Сагынбаев “Кремль Кубогу-2013” мелдешинде жарым финалга чыкты

Кыргызстандык Каныбек Сагынбаев Москвада бильярддын “кураштырма пирамида” түрү боюнча өтүп жаткан “Кремль Кубогу-2013” мелдешинде жарым финалга чыкты. Бул тууралуу мелдештин расмий сайты билдирет.

Маалыматка ылайык, чейрек финалда Каныбек орусиялык Сергей Шиляевди жалпы эсепте 5:4 айырмачылыгында утуп алды.

Оюнда башкы эки партия Каныбек Сагынбаевдин жеңиши менен аяктады (0:8, 6:8 эсептеринде). Андан соң анын атаандашы 3 партия катары менен жеңиш кубанычын майрамдады (8:7, 8:7, 8:6). 6-7-партияларда жеңиш кыргызстандык тарапта болсо (3:8, 1:8), 8-партияда Сергей Шиляев атаандашына кенедей мүмкүнчүлүк берген жок (9:0). Чечүүчү беттеш толук бойдон Каныбек Сагынбаевдин көзөмөл алдында өтүп (2:8), жыйынтыгында жалпы эсепте жеңип чыкты.