АФК Кыргызстанды Тажикстан менен чаташтырган катаны оңдоду

Азия футбол конфедерациясы расмий сайтында жарыяланган катаны оңдоду.

Анда "F" тайпасындагы оюндар Кыргызстанда өтүп жатканы оңдолуп, жазылды.

"Дөлөн Өмүрзаков стадиону, Кыргыз Республикасы", - деп жазылды АФКнын сайтында.

Буга чейин АФКнын расмий сайтында Кыргызстанда өтүп жаткан оюндар Тажикстанда өткөрүлүүдө деп жазылган. Тагыраагы АФК Азия Кубогуна тандоо оюндарынын жыйынтыгын жарыялап, анда Кыргызстанда өткөн Тажикстан - Мьянма жана Кыргызстан - Сингапур беттештери Тажикстанда өттү деп жазылган.