Борбор калаада мектеп лагерлери ачылат. Анда 4 миңден ашуун окуучу эс алат

Бишкек шаарында 16-июндан тарта мектеп лагерлери ачылат. Бул тууралуу калаа мэриясынан билдиришти.

Маалыматка ылайык, быйыл калаанын 46 мектебинде социалдык жактан корголбогон үй-бүлөлөрдөгү балдардын, өспүрүмдөрдүн, ошондой эле мектеп алдындагы лагерлерде окуган активисттердин жана отличниктердин жайкы эс алуусу пландаштырылган. Анда жалпысынан 4470 бала эс алат.

Райондук билим берүү борборлору мектеп лагерлеринде жайкы тарбиялык ден соолукту чыңдоо кампаниясын уюштуруу. Координациялоо жана контролдоо, окуучулардын эс алуусун пландаштыруу жана ийримдердин жана короо клубдарынын ишин уюштуруу боюнча жооптуу адистер бекитилген.