Кытайдын тургуну жыйырма сантиметр кирпик өстүрүп, дүйнөлүк рекордду кайрадан жаңылады

Кытайдын тургуну жыйырма сантиметр кирпик өстүрүп, өзү мурда койгон дүйнөлүк рекордду жаңылады. Бул тууралуу "Гиннесстин рекорддор китебинин" сайтында көрсөтүлөт.

Маалыматка ылайык, 2021-жылдын 20-майында "Гиннесстин рекорддор китебинин" эксперттери Ю Цзяньсяндын кирпиктерин өлчөп, жаңы дүйнөлүк рекорд койгон. Анын кирпиктеринин орточо узундугу 20 сантиметр болсо, сол көзүнүн үстүнкү сурмасында эң узун кирпик 20,5 сантиметрди түзгөн.
2016-жылы кытайлык аял дүйнөдөгү эң узун кирпиктердин ээси катары биринчи жолу "Гиннесстин рекорддор китебине" кирген. Ошондо алардын узундугу 12 сантиметрден ашкан.

"Менин кирпиктерим тынымсыз өсүп жатканын 2015-жылы түшүндүм. Алар бара-бара узарып жатты. Эмне үчүн менин кирпигим башкалардыкына караганда узун экенин билүү үчүн дарыгерлерге кайрылдым. Алар муну түшүндүрө албай, таң калышты", - деди Цзянься.

Ал кошумчалагандай, эч качан тушь же боёчу каражаттарды колдонбойт. Узун кирпиктердин аркасында анын көздөрү макияжсыз деле укмуштай көрүнөт.

Ю болуп жаткан окуяларга илимий түшүндүрмө табууга аракет кылып, генетикадан себептерди издеген. Бирок анын жакындарынын эч биринде мынчалык узун кирпиктер болгон эмес.