"Катар-2022": Дүйнө чемпиондугунун бардык катышуучулары аныкталды

Футбол боюнча Коста-Рика улуттук курама командасы континенттер аралык плей-офф оюнунда Жаңы Зеландияны утуп, футбол боюнча Дүйнө чемпиондугуна акыркы жолдомону алды.

Беттеш Доха шаарында өтүп, 1:0 эсеби менен аяктады. Чечүүчү голду 3-мүнөттө Жоэл Кэмпбелл киргизди.

Муну менен Дүйнө чемпиондугуна катыша турган бардык 32 команда белгилүү болду. Алар:

A тайпасы: Катар, Эквадор, Сенегал, Нидерланды;

B тайпасы: Англия, Иран, АКШ, Уэльс;

C тайпасы: Аргентина, Сауд Арабиясы, Мексика, Польша;

D тайпасы: Франция, Дания, Тунис, Австралия;

Е тайпасы: Испания, Германия, Япония, Коста-Рика;

F тайпасы: Бельгия, Канада, Марокко, Хорватия;

G тайпасы: Бразилия, Сербия, Швейцария, Камерун;

H тайпасы: Португалия, Гана, Уругвай, Түштүк Корея.

Футбол боюнча Дүйнө чемпиондугу 21-ноябрдан 18-декабрга чейин Катарда өтөт.