Депутат Эдил Байсаловго: "Эсиңиз барда этегиңизди жыйыңыз"

Жогорку Кеңештин эл аралык иштер, коргоо, коопсуздук жана миграция боюнча комитетинин жыйынында депутат Улан Бакасов менен Эдил Байсалов жаакташа кетишти.

Анда эл өкүлүнө Эдил Байсаловдун регламентти бузганы, мамилеси жакпай калган.

"Эдил Байсалов, бир аз этикаңызды оңдосоңуз, мен сизге иниңиз, жердешиңиз катары айтып жатам. Эсиңиз барда этегиңизди жыйыңыз. Бул жакта туруп алып депутаттарга ар нерсени айтпаңыз. Жаңы эле эмне деп айттыңыз", - деди нааразы болгон депутат.

"Биз дагы президенттин өкүлүбүз. Азыркы учурда өкмөттүн жетекчиси президент. Мен эч кандай келишпестикти жараткан жокмун. Андайга каршымын. Тескерисинче, кайсы жерге чакырылса барып жатам", - деди министрлер кабинетинин төрагасынын орун басары.