Грек-рим күрөш боюнча улуттук курама команда (U-23) Азия чемпиондугунда 7 медаль жеңди

Грек-рим күрөшү боюнча курама команда (U-23) Азия чемпиондугунда 7 медаль жеңди. Бул тууралуу Маданият, маалымат, спорт жана жаштар саясаты министрлигинен билдиришти.

Маалыматка ылайык, Бишкек шаарында өтүп жаткан спорттун күрөш түрлөрү боюнча Азия биринчилигинде грек-рим күрөшүнөн ат салышкан балбандар 3 алтын жана 4 күмүш медаль жеңип алды. 23 жашка чейинки балбандар анда 7 салмак категориясында өлкө намысын коргошкон. Байге ээлери:

1-орун — Адилхан Нурланбеков (72 кг);

1-орун — Акылбек Талантбеков (77 кг);

1-орун — Бексултан Назарбаев (82 кг);

2-орун — Нурмухаммет Абдуллаев (60 кг);

2-орун — Аманат Самат уулу (67 кг);

2-орун — Данияр Шеримбеков (97 кг);

2-орун — Эрлан Манатбеков (130 кг).

Белгилей кетсек, 17 жана 23 жашка чейинки балбандар арасындагы Азия чемпиондугу 19-июнда старт алган. Бүгүн кыз-келиндер күрөшү боюнча беттештер өтөт.