Бишкек мэриясы электробустарды сатып алуу боюнча кытайлык компания менен макулдашты

Кытайлык компания атайын келишимдин негизинде Бишкекке электробустарды жеткирүүгө даяр. Бул тууралуу шаардык мэриянын басма сөз кызматынан билдиришти.

Маалыматка ылайык, Бишкек шаарын өнүктүрүү жана инвестиция тартуу боюнча агенттик электробустарды чыгарган кытайлык "Амир-Групп" компаниясы менен жолугушуусу болуп өттү. Компания жолугушууда чогулткан электробустарынын сапатына кепилдик бергени маалымдалды. Ошондой эле алар эскирип, колдонуудан чыгып калган учурда кайрадан жасап чыгуу боюнча бардык чыгымдарды көтөрүүгө даяр экендигин билдирген.

Мындан тышкары, жолугушуунун жүрүшүндө тараптар эки тараптуу пайдалуу кызматташтыктын жана электробустарды Кыргызстанга жеткирүү боюнча макулдашуулар талкууланганы айтылды.