Ысык-Көлдө унаасы жарга асылып калган испаниялык жубайларга жардам берилди

Ысык-Көлдө жарга асылып калган испаниялык эс алуучулардын унаасын Өзгөчө кырдаалдар министрлигинин кызматкерлери чыгарып беришти. Бул тууралуу аталган кызматтын басма сөз кызматынан билдиришти.

Маалыматка ылайык, Ак-Суу районундагы Шахта-Жыргалаң айылында чет элдик эки жаран куткаруу кызматына муктаж экендигин айтып, мейманканалардын бирине кайрылган. Окуя катталган жерге 8 куткаруучу тартылып, жар боюна туруп калган унааны чыгарып беришкен. Ошондой эле жубайларга да жардам көрсөтүлгөн. ӨКМдан кырсыктан эч ким жабыркабаганын белгилешти.