Акысыз эс алышат. Жалал-Абад шаарында балдар эс алуу үчүн лагерге жөнөтүлдү

Бүгүн Жалал-Абад шаарындагы аз камсыз болгон, ата-энесинен ажыраган, Июнь окуясында жабыркагандардын, Чернобыль кырсыгын жоюуга катышкандардын балдарынын бир бөлүгү жайкы эс алуу лагерине жиберилди.

Шаардык мэриянын маалымат борбору билдиргендей, балдар Сузак районуна караштуу Кара-Алма айылында жайгашкан шаардык мэриянын карамагындагы «Алтын балалык» лагеринде эс алышат.

Лагерди оңдоп-түзөөдөн өткөрүү жана балдардын тамак-ашы үчүн Жалал-Абад шаардык мэриясынан жыл сайын акча каражаты бөлүнөт.

Белгилей кетсек, аталган лагерде жыл сайын жергиликтүү бийлик тарабынан 200 бала эс алат.