Нарын шаарында шырдак фестивалы өтүп жатат (сүрөт)

Нарын шаарында “Кыргыз шырдагы -Xll” аталышындагы фестиваль өтүп жатат. Бул тууралуу Нарын шаардык мэриясынын басма сөз кызматынан билдиришти.

Маалыматка ылайык, кыргыз шырдагын, кол өнөрчүлүгүн даңктаган маданий иш-чара бүгүн, 29-июнда жыйынтыкталат.

Фестивалдын алкагында “Мыкты шырдак”, “Мурас шырдак” кароо-сынактары, “Кыргыз шырдагынын” тарыхына арналган илимий-практикалык конференция, улуттук тамак-аштын жана кол өнөрчүлүктүн көргөзмө-жарманкелери, кол өнөрчүлөрдүн “Устат-шакирт” мектебинин чебер-класстары жана концерттик программалар камтылат.

"Фестивалдын максаты - маданий мурастарды сактоо, салттуу билимдердин үзгүлтүксүздүгүн жандандыруу, кол өнөрчүлүктү жана маданий мурастардын негизинде индустрияны өнүктүрүү, ошондой эле Кыргызстанды экологиялык таза маданий туризмдин эл аралык аймагына айландыруу болуп саналат", - деп жазылат маалыматта.