Камчыбек Ташиевдин уулу Тимурландын укук коргоо органдарына берген көрсөтмөсү

Экс-депутат Камчыбек Ташиевдин уулу Тимурлан Ташиевдин берген көрсөтмөсү:

Милиция кызматкери (М): - Аты-жөнүң?

Тимурлан Ташиев (Т): - Ташиев Тимурлан Камчыбекович.

М:- Туулган жылың?

Т: - 31.07.95.

М: - Окуйсуңбу же иштейсиңби?

Т: - Окуйм.

М: - Кайда окуйсуң?

Т:- Колледж ИСИТО.

М: - Эмнеге кармалдың?

Т: - Дөңгөлөк уурдады деп шектелип.

Эске сала  кетсек, 1-декабрда “Унаа-ууру” рейди жүргүзүлүп, анын натыйжасында 18 жаштагы Т.Тимурлан, 17 жаштагы М.Самидин, 18 жаштагы А.Фарух, 17 жаштагы М.Эрнист кармалган. Алар, Хонда Аккорд үлгүсүндөгү унаанын дөңгөлөктөрүн уурдап жаткан жеринен кармалышкан.  

Кылмышка шектүүлөрдү кармоо учурунда, Ташиев Тимурландун башкаруусундагы Мерседес-Бенц  үлгүсүндөгү автоунаанын ичинен  8 кирпич, дөңгөлөктүн 20 тирөөч болту, 3 баллондуу ачкыч жана домкрат табылган.

Учурда бул факты боюнча КРнын Кылмыш-жаза кодексинин 164-беренеси (уурдоо) боюнча кылмыш иши козголду.