Кыргызстандын бир катар ишканалары менен ишкерлери сыйланды

Кыргызстандын бир катар ишканалары менен ишкерлери өлкөнүн социалдык-экономикалык өнүгүүсүнө кошкон олуттуу салымы үчүн сыйлыктар менен сыйланышты. Сыйлоо иш-чарасы бүгүн, 1-июлда өлкөнүн Салык кызматкерлеринин күнүнө арналган салтанаттын жүрүшүндө орун алды.

Салтанатка президент Садыр Жапаров катышып, тийиштүү жарлыкка кол койгонун белгиледи.

Ардак грамота менен сыйлангандар:

“Atalyk Group” (“Аталык Групп”) жабык акционердик коому;

“БИОВИТ” жоопкерчилиги чектелген коому;

“ТЕКСТИЛЬ ТРАНС” (TEXTILE TRANS) жоопкерчилиги чектелген коому.

Мындан тышкары өлкөнүн социалдык-экономикалык өнүктүрүүгө, бюджеттин киреше бөлүгүн толтурууга кошкон олуттуу салымы үчүн бир катар ишкерлерге президенттин атынан алкыш жарыяланды. Алар:

Кайрат Эгембердиев – “Шоро” жабык акционердик коомунун башкы директору;

Александр Шалюта - “Каинды-Кант” ачык акционердик коомунун башкы директору;

Нияз Ирсалиев - “Тегирменти Гидроэлектростанциялары” жоопкерчилиги чектелген коомунун директору;

Кайрат Кокоев - “Кыргыз каганат” жоопкерчилиги чектелген коомунун директору;

Санжар Капаров - “Кант ТШП” жоопкерчилиги чектелген коомунун директору;

Канатбек Акаев - “БАРБОЛ” жоопкерчилиги чектелген коомунун директору.