Кыргызстандын тоолуу райондорунда кар көчкүсү түшүүсү күтүлүүдө

2013-жылдын 2-декабрынан 4-декабрына чейин жаап өткөн жаан-чачынга байланыштуу Кыргызстандын тоолуу райондорунда кар көчкүсү түшүүсү күтүлүүдө. Бул тууралуу ӨКМнын басма сөз кызматы билдирет. 

Маалыматка караганда, Бишкек-Ош унаа жолунун 121-137 жана 198-265-чакырымдарында, Ош облусундагы Мырзаке-Кара-Кулжа-Алайкуу унаа жолунун 45-90 жана 145-150-чакырымдарында, Ысык-Көл облусундагы Каракол-Эңилчек унаа жолунун 45-90-чакырымдарында, Жалал-Абад облусундагы Ала-Бука–Каныш-Кыя унаа жолунун 62-100-чакырымдарында кар көчкүнүн түшүүсү жана кар күрткүсү күтүлөт. Жолдор тайгак болот. Мындан улам кар көчкү жүрүүчү аймактарда унаалардын ортосунда 500 метр аралыктын так сакталышы зарыл.