Чоң Чүй каналында изделип жаткан 59 жаштагы жаран табылды

Чоң Чүй каналында изделип жаткан жаран табылды. Бул тууралуу ӨКМнын басма сөз кызматынан билдиришти.

Билдирүүгө ылайык, Бишкектеги Чоң Чүй каналынан изделип жаткан 59 жаштагы жаран кечээ, 4-июлда Сокулук районунун Военно-Антоновка айылынан табылып, сөөгү Ички иштер министрлигинин кызматкерлерине өткөрүп берилген.

Таң эрте издөө ишин жүргүзүү максатында ӨКМдан 22 куткаруучу тартылган.

Эске салсак, 29-июнь күнү борбор калаанын Свердлов районундагы Орозбеков көчөсүндө 1963-жылы туулган Ш.Р. аттуу жаран Чоң Чүй каналына түшүп жатып, сууга агып кеткен.