Кыздар арасындагы Кыргызстан жаштар курама командасы Казакстанда футбол боюнча Эл аралык мелдешти утту

Футбол боюнча Кыргызстандын кыздар арасындагы жаштар курама командасы Казакстанда өткөн Эл аралык мелдеште жеңүүчү аталды. Бул тууралуу КРнын Футбол федерациясы билдирет.

Маалыматка ылайык, казакстандык машыктыруучу Сарсен Басбаковдун жаркын элесине арналган мелдеш 25-30-ноябрь аралыгында Тараз шаарында өткөн. Ага 13-14 жаштагы өспүрүмдөрдөн турган 6 команда катышты. Жыйынтыгында жергиликтүү командалар менен 5 оюн өткөрүп, баарында жеңишке жетишкен кыргыз кыздары кубок менен кайтышты.