Ош: Обладминистрацияны басып алууга аракет кылуу фактысы боюнча кылмыш иши козголду

Митингчилер тарабынан Ош облустук администрациясын басып алууга аракет кылуу фактысы боюнча кылмыш иши козголду. Муну Ош ОИИББинин басма сөз кызматы билдирди. “Факты боюнча учурда материалдар топтолууда жана иликтөө жүрүүдө”,- деп билдирет ОИИББи. Кылмыш иши конституциялык түзүлүштү күч менен өзгөртүүгө чакырык беренеси боюнча козголгону белгилүү болду. 

Эскерте кетсек, Ош шаарынын борбордук аянтына чогулган Ахматбек Келдибековдун тарапташтары 2-декабрда обладминистрацияны басып алууга аракет жасашкан болчу.