15 жылдан бери базарда араба түрткөн жигит: "Аялым кыйынчылыкка чыдабай асынып алды"

SUPER.KG ютуб каналынын "Тагдыр" көрсөтүүсүнүн бул жолку каарманы Кубат Эшиев болмокчу. Ал 15 жылдан бери базарда араба түртүп күн кечирет.

Анын айтымында, кичинекей кезинде ата-энеси ажырашып кетишкен.

"Мен Ошто төрөлгөм. Ата-энем 2-классымда ажырашып кетишкен. Мен атам менен калгам. Бирок өгөй энем менен батышпай үйдөн чыгып кеткем. Ошол убакыттан бери базарда араба түртүп иштейм. Орто жолдо түрдүү оор жумуштарда иштеген учурларым болду. Бишкек шаарына келгениме төрт жыл болду. Жашай турчу үйүм жок. Интернет клубдарда түнөйм. Паспортум жок. Ала албай жатам. 18 жашымда үйлөнгөм. Бирок аялымдын боюнан түшүп калды. Ал оорусуна чыдабай асынып алды", - дейт 25 жаштагы жигит.

Толугу менен видеодон көрүңүз.