Бишкекте баңги кылмыштарына шектелген жарандан ок атуучу курал табылды

Баңги кылмыштарына шектелген жарандан ок атуучу курал табылды. Бул тууралуу ИИМдин басма сөз кызматынан билдиришти.

Маалыматка ылайык, ИИМдин Кылмыш иликтөө башкы башкармалыгынын 3-бөлүмүнүн ыкчам кызматкерлери тарабынан Кылмыш-жаза кодексинин 267-беренесинин (баңгизатын мыйзамсыз сактоо же сатуу, эски кодекс) көрсөтүлгөн кылмыштын бетин ачуу боюнча атайын иш-чаралар өткөрүлүп, анын натыйжасында Бишкек шаарынан Жалал-Абад облусунун тургуну М.Н. кармалган.

Тинтүү учурунда Хонда Аккорд үлгүсүндөгү унаанын ичинен төрт огу менен номуру өчүрүлгөн Макаров үлгүсүндөгү тапанча табылган.

Аталган факты Биринчи Май РИИБдин тергөө кызматы тарабынан Кылмыш-жаза кодексинин 267-берене (ок атуучу куралдарды жана ок-дарыларды сактоо) менен катталган.

Кармалган жаран уюшкан кылмыштуу топтун мүчөсү катары Ички иштер министрлигинин ыкчам каттоосунда турат.